“პრაიმ ჰაუსის” მეორე სეზონის მონაწილე, დეა ხიდეშელი, იგივე “ბაგირა” საზოგადოებაში დიდი პოპულარობით საუბრობს.
ბაგირა ძალიან გულწრფელია – ამჯერად მან საყვარელი მამაკაცისგან ძალადობაზე ისაუბრა.
-ღიად საუბრობთ, რომ საყვარელი მამაკაცისგან ძალადობის მსხვერპლი გახდით. როგორ იქეცით მსხვერპლად?
ბაგირა: მსხვერპლად ყოველთვის შენივე გრძნობები გაქცევს. შეიძლება ამ დასკვნით ვცდები, მაგრამ მანიპულაციის ბერკეტი ყოველთვის ის გრძნობაა, რომლის გამოც ქალებს უამრავი დამცირების მოსმენა და პარტნიორისგან ძალადობაზე თვალის დახუჭვა გვიწევს. სიყვარულის გამო ფსიქოლოგიურ ზეწოლას ვითმენდი. დროთა განმავლობაში ამ ყველაფერმა უკვე ფიზიკური ძალადობის სახე მიიღო. ფიზიკურმა ზეწოლამ, შეგრძნებამ, რომ ის ძლიერი იყო – ვერავინ მოერეოდა, ოჯახი აღარ მიმიღებდა, რადგანაც მეგონა, ეს მათთვის დამამცირებელი იქნებოდა, – ყოველდღიურობა ჯოჯოხეთად მიქცია. ჩემმა ასეთმა სიბრმავემ და ოჯახის კარგად “არცნობამ” ლამის ფსიქიატრიულ კლინიკამდე მიმიყვანა.
დიდი აჟიოტაჟი გამოიწვია პროექტის ერთ-ერთმა “ჩელენჯმა”, როცა მონაწილეებს თავზე ფალოსის ფორმები ჰქონდათ დამაგრებული. რეალური მიზეზი რა იყო, რის გამოც ამ შეჯიბრებაში მონაწილეობა არ მიიღეთ?
ბაგირა: ინტერნეტში ჩემს სექსუალურ ფოტოსა და ვიდეოს ხშირად ნახავთ. ვფიქრობ, ეს ესთეტიკურია – ამას ისე ვუყურებ, როგორც ხელოვნებას. მსიამოვნებს, როცა სექსუალურ ქალად მაფასებენ, მაგრამ თავზე “რაიმეს” გაკეთება და ამით მაყურებლის გაღიზიანება ჩემთვის მიუღებელია. პირველ რიგში, ასე მამაჩემს არ მოვექცეოდი – ასეთი საქციელით შეურაცხყოფას არ მივაყენებდი კაცს, რომელმაც ისედაც ბევრი რამე მაპატია და ძალიან მეგობრულად დამიდგა გვერდში. მოკლედ, ყველაფერს აქვს ზღვარი. მადლობა პროექტს, რომ ჩემს ნებას პატივი სცა და ამის გამო “გაფრთხილება” არ მომცა.
წყარო: kvilispalitra.ge