პოლიტიკოსი, შალვა ნათელაშვილი, სოციალურ ქსელში წერს:
“როგორც გახსოვთ 2020 წლის 17-18 ნოემბერს თბილისს ეწვია სახელმწიფო მდივანი ტრამპის მთავრობაში მაიკ პომპეო. როგორც გამოცხადდა იგი შეხვდა პრემიერ გახარიას, საგარეო საქმეთა მინისტრს, პრეზიდენტს, კათოლიკოს-პატრიარქს და ისე გაემგზავრა თბილისიდან, რომ პატარა საჯარო განცხადებაც კი არ გაუკეთებია, რაც ამერიკული დიპლომატიის ისტორიაში სახელმწიფო მდივნების ვიზიტებისას უპრეცენდენტო შემთხვევაა.
მან თბილისში დატოვა თავის თანაშემწე ფილიპ რიკერი (რომელიც ამ დღეებში საერთოდ დაითხოვეს დიპლომატიური სამსახურიდან) და ეს ბატონი ცდილობდა ოპოზიციის იძულებას შვსულიყავით პარლამენტში ივანიშვილის ოლიგარქიული რეჟიმის გადასარჩენად და ეს ზეწოლები შემდგომში უკვე გაგრძელდა ამერიკის მოქმედი ელჩის კელი დეგნანის უშუალო მონაწილეობით, შედეგად ოპოზიცია პარლამენტშია, ხოლო რუსული ოლიგარქიული რეჟიმი უპირველესად ამერიკის გადაუწყვეტელ თავსატეხად იქცა.
იქნებ მაშინდელმა პრემიერმა ამჟამად ოპოზიციაში გადასულმა გახარიამ პასუხი გაგვცეს იმ მოლაპარაკებათა შინაარსზე რაც გაიმართა მაიკ პომპეოსთან და იმაზეც შეხვდა თუ არა მაღალჩინოსანი ამერიკელი სტუმარი პირადად ბიძინა ივანიშვილს.
ასე ხდება, როდესაც დიდი სახელმწიფოები ხალხს არ ეკითხებიან და ისე წყვეტენ ხელისუფლებათა მოყვანა-წაყვანის საკითხს შემდგომ თვითონვე ებმებიან საკუთარ ქსელში, მაგრამ ყველაზე მეტად იტანჯება ის ხალხი ვისი ინტერესიც არაფრად ჩააგდეს”,- წერს ნათელაშვილი.