„მართალია ურწმუნო ბრძანდებით, გეტყობათ, მაგრამ ღვთსიმშობელი ყველას დაიცავს და ეს ხატი სასწაულს მოახდენს“,- ასე მიმართა „პატრიოტთა ალიანსის“ ლიდერმა, ირმა ინაშვილმა „დღის კურიერის“ ჟურნალისტს, როდესაც ოკუპირებულ აფხაზეთში ვიზიტის შესახებ საუბრობდა.
როგორც ირმა ინაშვილი ამბობს, მისი ქმედებები ყველასთვის სიკეთის მომტანი იქნება.
„მე ვმოქმედებ ისე, რომ სიკეთე მოვუტანო ქართველებსაც და აფხაზებსაც. ეს ხატი ნამდვილად მოახდენს სასწაულს და დიდი სიკეთეს მოიტანს. მართალია ურწმუნო ბრძანდებით, გეტყობათ, მაგრამ ღვთსიმშობელი ყველას დაიცავს და ეს ხატი სასწაულს მოახდენს. ვინც ამ დღეებში ამის წინააღმდეგ გაილაშქრებს, ის უნდა დაფიქრდეს თავის ქმედებაზე“,- ამბობს ირმა ინაშვილი.
„რა სამარცხვინოები ხართ, პატარა ბოკერია ხართ“,- ამ სიტყვებით დაასრულა ირმა ინაშვილმა ეთერი.
შეგახსენებთ, რომ ღვთისმშობლის ხატი „საქართველოს პატრიოტთა ალიანსმა“ ოკუპირებულ აფხაზეთში, ილორის ტაძარს რამდენიმე დღის წინ გადასცა. დღეს კი ცნობილი გახდა, რომ აფხაზური ეკლესია ინაშვილის ნაჩუქარ ხატზე უარს ამბობს.