ტელეწამყვანი ნანიკო ხაზარაძე 50 წლის გახდა.
ნანიკო ამბობს, რომ მისი გარეგნობა გენეტიკოს დამსახურებაა, თუმცა საზოგადოებას “საიდუმლო ფორმულას” უზიარებს და ყვება თუ როგორ ინარჩუნებს იდეალურ ფორმასა და ვიზუალს:
“ცალსახად გენეტიკის დამსახურებაა. ასევე მნიშვნელოვანია, რომ გარეგნობაში არაფერი შემიცვლია, იგივე ვარცხნილობა მაქვს, იგივე თმის ფერი, იგივე ჩაცმის სტილი, ჯინსი არ გამიხდია. ამიტომ, მგონია, რომ ეს ჩემი რაღაც სტაბილური იმიჯი ამას ხელს უწყობს, რომ რაღაცნაირად ვინარჩუნებ იმ ეფექტს, რომელსაც ოდესღაც ჩემი დანახვისას ადამიანებზე ვახდენდი. ვინც ყოველდღე არ მიყურებს, შეიძლება, ვერ ამჩნევდეს, რომ რეალურად იმ ნანიკოსა და ამ ნანიკოს შორის დიდი ცვლილებაა. მთლიანობაში კი ეს სტაბილურობა მაინც ამ შეხედულებას მინარჩუნებს, რომ ბევრად ახალგაზრდულად გამოვიყურები, ვიდრე 50 წლის ასაკს შეეფერება”- ამბობს ის.
– ვაკიდან თავისუფლების მოედნამდე ფეხით სიარულს ისევ აგრძელებ?
– კი, ოღონდ, ახლა ცოტა მეტად ვარ დატვირთული, ამიტომ, შეიძლება, ყოველ დღე ამისთვის დრო ვერ გამოვნახო. ისე, როგორც კი დროს ვპოულობ, სულ ერთია, დილა იქნება, შუადღე თუ საღამო, ფეხით მაინც დავდივარ 10 კილომეტრს. ვცდილობ ასევე, კვირაში ერთხელ ვიშიმშილო. ვშიმშილობ 24 საათი მაინც (ხანდახან არ გამომდის). ეს შიმშილობა არ მაწუხებს და ბევრად კარგად ვგრძნობ თავს. 36 საათიც მიშიმშილია, 72-იც.
წყარო: ambebi.ge