გიორგი შაქარაშვილის მკვლელობაში ერთ-ერთი ბრალდებულის წერილი, რომელიც მან ოჯახს მიწერა “კურიერმა” ექსკლუზიურად მოიპოვა. “ტოიტა ქამრის” მგზავრი ნიკოლოზ რევაზიშვილი მშობლებს წერს, რომ ახალგაზრდა ფეხბურთელის მკვლელობაში უდანაშაულოა.
იხსენებს 18 ივნისის საბედისწერო ღამეს, თუმცა საზოგადოებისთვის ყველაზე საინტერესო დეტალებზე დუმილს ამჯობინებს.
“რომ გითხრათ კარგად ვარო, დამიჯერებთ?- მაგრამ მინდა იცოდეთ რომ კარგად ვარ. რასაც ვიძახი არაფერს ვიტყუები. თუ ვინმე იტყუება, საბედნიეროდ, თუ სამწუხაროდ არ ვიცი, თორემ სხვანაირად მოვიქცეოდი ჩვენ ქვეყანაში. ქვეყანას შეგნებულად ვიძახი, რადგან ქვე-ყანაა და არა სამშობლო. შაქარაშვილების ადგილას რომ წარმოვიდგინო თავი, ექვსივეს დაწვის კი არა, მანქანის დაწვის სურვილიც მექნებოდა. უბრალოდ მინდა სიმართლე იცოდეს ყველამ. ოჯახმაც გაიგოს და გაიაზროს რისი გულისთვის უნდა ვიჯდე 17 -10 ან თუნდა 6 წელი. ეს ფიქრები მაგიჟებენ. მეტი არაფერი“- წერს რევაზიშვილი.
ცნობისთვის, შაქარაშვილის გარდაცვალების საქმეზე სამართალდამცველებმა 17 ადამიანია დაკავებული. ყველა მათგანი სასამართლომ პატიმრობა დატოვა. საქმეზე დაკავებულები პროკურატურის ბრალდებას უარყოფენ და მათი ნაწილი სიმართლის დადგენის მიზნით, სიცრუის დეტექოტზე შემოწმებას ითხოვენ.
გიორგი შაქარაშვილი 4-დღიანი სამძებრო სამუშაოების შემდეგ მდინარე არაგვში გარდაცვლილი იპოვეს.