ქუთაისიდან პარიზისკენ გაფრენილ Wizz Air-ის თვითმფრინავს უკან აბრუნებენ. როგორც რადიო თავისუფლებამ ქუთაისის საერთაშორისო აეროპორტში გაარკვია, აფრენის დროს ერთ-ერთი მგზავრი ცუდად გახდა და ეკიპაჟმა ასეთი გადაწყვეტილება მიიღო.
ახლა Wizz Air-ის თვითმფრინავი ქუთაისის თავზე დაფრინავს. მსგავს შემთხვევებში პილოტი საწვავის მარაგს ხარჯავს ხოლმე, რომ დაჯდომის დროს ნაკლები რისკი იყოს.
თვითმფრინავი ქუთაისის აეროპორტიდან 17:32 საათზე აფრინდა. აფრენიდან თითქმის საათ-ნახევარია გასული – ავია ხომალდს რამდენიმე ათეული კილომეტრი ჰქონდა გავლილი, როცა უკან დაბრუნება დაიწყო.
