შატილში მომხდარმა ტრაგედიამ ხალხს 10 წლისწინ მუცოში დატრიალებული საზარელი შემთხვევა გაახსენა, – 2010 წლის 22 ივლისს პოეტ გელა დაიაურის ოჯახის წევრებთან და მეგობრებთან ერთად იმყოფებოდა. მანქანა გზის სავალი ნაწილიდან მდინარეში გადავარდა.
უბედურ შემთხვევას ქუმსიაშვილების, არაბულების და დიაურების ოჯახებიდან მსხვერპლი მოჰყვა.
პოეტი ახლა თანაგრძნობას უცხადებს დაღუპულთა ოჯახებს:
„ვერც სიტყვით და ვერც საუბრით გადმოვცემ იმ სულიერ სიმძიმეს, რაც მომხდარმა ტრაგედიამ გამოიწვია ჩემში, თითქოს ძველი ჭრილობა გამეხსნა… სამძიმარს ვუცხადებ გარდაცვლილთა ოჯახებს და ვუთანაგრძნობ…“ – წერს სოციალურ ქსელში გელა დაიაური.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.