გუშინ ღამით ნიუ-იორკში, ბრუკლინში, ქართველი ლევან გალდავა მოკლეს. 45 წლის გალდავა ყოფილი პოლიციელია. ის ამერიკაში 1 წლის წინ სამუშაოდ წავიდა და იქ მშობლებთან ერთად ცხოვრობდა.
არსებული ინფორმაციით, მკვლელმა გალდავას ჯერ ცეცხლსასროლი იარაღი ესროლა, შემდეგ კი ნაჯახი ჩაარტყა თავში. მკვლელობა ქუჩაში მოხდა და არსებული ინფორმაციით, მომხდარს წინ კონფლიქტი უძღოდა. გალდავა ადგილზე გარდაიცვალა.
როგორც ამბობენ, მკვლელი ლევანს იცნობდა და, სავარაუდოდ, ისიც ქართველია. პოლიციას მკვლელი იდენტიფიცირებული ჰყავს და მის დასაკავებლად სამძებრო ღონისძიებები მიმდინარეობს. ლევან გალდავას მეუღლე და სამი შვილი დარჩა.
წყარო: AMBEBI.GE