რეჟისორი და პუტინის რეჟიმის პროპაგანდისტი ნიკიტა მიხალკოვი ჰოსპიტალიზებულია. ამის შესახებ ინფორმაციას Telegram არხ baza-ს ავრცელებს. მათივე ცნობით, ის მძიმე მდგომარეობაშია. არხის ინფორმაციით, 77 წლის მიხალკოვი 67-ე საქალაქო კლინიკურ საავადმყოფოში გადაიყვანეს, თუმცა შემდეგ ექიმებმა გადაწყვიტეს მიხალკოვის სხვა საავადმყოფოში გადაყვანა ინტენსიური თერაპიის ჯგუფის დახმარებით. რეჟისორს კოვიდ პნევმონია დაუდგინდა.
„კომერსანტის“ ინფორმაციით, ჰოსპიტალიზაციის შესახებ ინფორმაცია მიხალკოვის მეუღლემ დაადასტურა, თუმცა დიაგნოზი ჯერ არ არის ცნობილი. მოგვიანებით, TASS-ს დირექტორის პრესსამსახურში განუცხადეს, რომ მას “გრიპი” ჰქონდა.
რეჟისორი ნიკიტა მიხალკოვი არის ერთ-ერთი პროპაგანდისტი, რომელიც საჯაროდ ავრცელებს ანტივაქცინის რიტორიკას.