მიკროავტობუსი, რომელიც შატილში 23 აგვისტოს 80 მეტრის სიმაღლიდან გადავარდა, ტექდათვალიერება არ ჰქონდა გავლილი. ამის შესახებ ინფორმაციას TV პირველი ავრცელებს.
თვითმხილველების თქმით, მიკროავტობუსი დიდი სიჩქარით მიდიოდა. სოფელ ბისოს მცხოვრები შალვა ქეთელაური ამბობს, რომ სავარაუდოდ, მიკროავტობუსს ტექნიკური პრობლემებიც ჰქონდა.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 17, ხოლო მძიმედ დაშავდა 3 ადამიანი.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.