“მაინც წასულა ტურში ეს საყვარელი გოგო” – ის შატილის გზაზე დედასთან ერთად დაიღუპა

შატილის გზაზე მომხდარ ავტოკატასტროფისას ერთ-ერთი დაღუპული ნუცა კანადაშვილია, რომელიც ხევსურეთის ტურში დედასთან ერთად იმყოფებოდა.

ამის შესახებ ინფორმაციას report.ge ავრცელებს.

მომხდარის შედეგად გარდაიცვალა მისი დედაც. ამის შესახებ სოციალურ ქსელში ახალგაზრდა ქალის მეგობრები წერენ.

“ეს რა დღე გათენდა ღმერთო. ჩემო ნიჭიერო, შენთან სიკვდილს რა უნდოდა. ჩემო ბავშვობის და გონების ნაწილო. თან დედასთან ერთად, მაია დეიდა, საოცრად თბილი და კარგი ადამიანი. როგორ მტკივა გული ღმერთო. ნათელი და სანთელი დაგიმკვიდროთ უფალმა მარადიულ სასუფეველში”, – წერს ნუცას მეგობარი.

ასევე ვრცელდება ერთ-ერთი ტურისტული კომპანიის წარმომადგენელის, ლაშა თურმანიძის პოსტი:

„ორი დღის წინ ვესაუბრე ნუცას, ხევსურეთის ტურზე უარი ვუთხარი, უამინდობის გამო უნდა გადავდოთქო, წასულა მაინც ეს საყვარელი გოგონა.

გუშინ Facebook-ზე ხევსურეთში ყოფნისას დაწერა „ჩემი სული, სულ აქ არის, სულ“, – წერს ლაშა თურმანიძე.