გუშინ, 23 აგვისტოს ტრაგედია დატრიალდა, შატილიდან თბილისისკენ მიმავალი მიკროავტობუსი ხევში გადაიჩეხა. 80 მეტრიანი სიმაღლიდან გადავრდნის შედეგად 17 ადამიანი გარდაიცვალა, სამი კი სამედიცინო დაწესებულებებში მოათავსეს.
როგორც ცნობილია, მიკროავტობუსი საპირისპირო მიმართულებით მოძრავ მსუბუქ ავტომობილს დაეჯახა, ორივე ტრანსპორტი ხევში გადაიჩეხა. მიკროავტობუსში მსხდომნი, ერთ–ერთი ტურისტული კომპანიის ტურის მონაწილეები იყვნენ.
გარდაცვლილია მძღოლი და გიდი, სერგო გოლიუკოვი, რომელიც ტურის მონაწილეებს თან ახლდა.
მომხდარზე გამოძიება დაიწყო.
