„დღეს მომხდარმა საშინელმა ავტოკატასტროფამ ყველა შეგვძრა“, – ამ სიტყვებით ეხმაურება თბილისის მერი შატილის გზაზე მომხდარ ავარიას, რომელსაც 17 ადამიანი ემსხვერპლა.
„დუშეთის მუნიციპალიტეტში, შატილის გზაზე დატრიალებულმა ტრაგედიამ 17 ადამიანი იმსხვერპლა. მთელი საქართველო ვგლოვობთ დაღუპულებს. ვუსამძიმრებთ მათ ოჯახებს, ახლობლებს. სიტყვები უძლურია ასეთ დროს… ვიმედოვნებთ, რომ სამი გადარჩენილი მგზავრის სიცოცხლეს საფრთხე არ ემუქრება და ისინი მალე გამოჯანმრთელდებიან“, – წერს კახა კალაძე.
შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. თავდაპირველად 12 დაღუპულის შესახებ გავრცელდა ინფორმაცია.