პირველ იანვარს კიევში სამი ტყუპი ბიჭი დაიბადა. კიევის ჯანდაცვის დეპარტამენტის ინფორმაციით, ბიჭებს მატეი, ბოჰდანი და ვლადისლავი დაარქვეს.
მათივე ცნობით, ახალი, 2023 წლის პირველ დღეს უკრაინის დედაქალაქის სამშობიარო სახლებში სულ 31 ბავშვი – 12 ბიჭი და 19 გოგო დაიბადა.
„გილოცავთ ახალ წელს! ცხოვრება გრძელდება! ისინი კიევის ახალი მცხოვრებლები არიან. გაიზარდეთ ჯანმრთელები, ბედნიერები და თავისუფლები ჩვენი მშობლიური უკრაინის მშვიდობიანი ცის ქვეშ!“, – აღნიშნულია ინფორმაციაში.