Top soccer blog-მა 2023 წლისთვის მსოფლიოს ათ საუკეთესო ახალგაზრდა მეკარეს შორის „ვალენსიას“ ქართველი მეკარე, გიორგი მამარდაშვილი დაასახელა. მამარდაშვილი მეცხრე ადგილზე.
„იმის გამო, რომ მეკარეები ასაკთან ერთად უმჯობესდებიან, ახალგაზრდებს უჭირთ ამ როლის შეთავსება. თუმცა, უკვე არიან ახალგაზრდა მეკარეები, რომლებმაც დიდ გუნდებში დაამტკიცეს, რომ დიდი პოტენციალი აქვთ და მომავალ სეზონებში ზრდას გააგრძელებენ“, – განაცხადა ინტერნეტ-პორტალმა.
აღნიშNულმა პორტალმა უშუალოდ მამარდაშვილზეც დაწერა.
„გიორგი მამარდაშვილმა ძალიან პატარა ასაკში გაითქვა სახელი მშობლიურ საქართველოში. 2021 წელს ის შეუერთდა ლა ლიგის „ვალენსიას“ ერთწლიანი იჯარით, გამოსყიდვის პუნქტით. თავდაპირველად სარეზერვო გუნდისთვის აიყვანეს, სადაც სეზონის წინ ისეთი შთაბეჭდილება მოახდინა მწვრთნელ ხოსე ბორდალასზე, რომ სეზონის გახსნის მატჩი „ხეტაფესთან“ ჩაატარა, დამაჯერებელი იყო და კარი მშრალად შეინახა. „ვალენსია“ მის შესაძლებლობებში დარწმუნდა და მამარდაშვილს მუდმივი კონტრაქტი გაუფორმა. გასულ სეზონში ქართველმა 23 მატჩში კარი „მშრალად“ ათჯერ შეინახა. ჰქონდა ზედიზედ 560-წუთიანი უგოლო სერიაც. მამარდაშვილი არა მხოლოდ მსოფლიოს ერთ-ერთი საუკეთესო ახალგაზრდა მეკარეა, არამედ ამ დროისთვის ლა ლიგაში ერთ-ერთი საუკეთესოც“, – აღნიშნა Top soccer blog.
პორტალის მიერ შერჩეული 10-ეული ასე გამოიყურება:
1. ჯანლუიჯი დონარუმა – პსჟ (23)
2. გევინ ბაზუნუ – საუთჰემპტონი (20)
3. ილან მელერი – ლიდსი (22)
4. მარტენ ვანდევორდი – გენკი (20)
5. ალბან ლაფონი – ნანტი (23)
6. დიოგუ კოსტა – პორტო (23)
7. ლუკას შევალიე – ლილი (21)
8. გაბრიელ სლონინა – ჩელსი (18)
9. გიორგი მამარდაშვილი – ვალენსია (22)
10. ლუის მარკინესი – ატლეტიკო ნასიონალი (19)