სააგენტო „მეტრონომი“ „ქართული ოცნების“ საპარლამენტო დეპუტატს, ლადო კახაძეს ესაუბრა. ამჯერად მთავარი თემა ახალი წელი და მასთან დაკავშირებული ტრადიციები იყო.
ჩვენ გვაინტერესებდა, ვისთან ერთად ხვდება ექიმი და პოლიტიკოსი ლადო კახაძე ზემოაღნიშნულ დღესასწაულს.
რესპონდენტმა ინტერვიუს დასაწყისშივე აღნიშნა, რომ უხარია, თუკი მომავალ თაობას აინტერესებს ტრადიციები, რომლებსაც ის, როგორც უფროსი თაობის წარმომადგენელი იცავს:
“ახალ წელს ყველა თავის ოჯახში უნდა შეხვდეს. მიუხედავად ახალი თაობის განსხვავებული შეხედულებისა ამ ტრადიციასთან მიმართებით, ის ჯერჯერობით ვახერხებთ, ახალ წელს მთელ ოჯახთან ერთად შევხვდე”.
„მეტრონომი“ ასევე დაინტერესდა პარლამენტარის ამჟამინდელი პოზიციით მეკვლეობის ტრადიციასთან დაკავშირებით:
“მეკვლეობა არის ის, თუ სად მიგივა გული, ვინ არის შენთვის სასურველი ადამიანი, ვინ მოერგება შენს მომავალს, ვინ განსაზღვრავს შენი წრფელი გრძნობის დამოკიდებულებას სამყაროსთან. ტრადიციულად ბებიას მეკვლე ვიყავი, თუმცა მას შემდეგ, რაც ის გარდაიცვალა, განსაკუთრებული სიამოვნებით არც მე მივდივარ მეკვლედ ვინმესთან და არც ჩემთან მოდიან” – აღნიშნა დეპუტატმა.
რაც შეეხება ალკოჰოლს, ლადო კახაძემ გვითხრა, რომ ის მეგობრობს ალკოჰოლთან:
„ღვინოს და ნებისმიერ ალკოჰოლს შეუძლია ქვევრი გახეთქოს. ადამიანი სასმელს უნდა მოეპყროს, როგორც პატიოსან მსახურს და არა უფროსს“ , – განაცხადა მან.
საახალწლო სუფრიდან კახაძის საყვარელი კერძი გოზინაყი აღმოჩნდა. მისი თქმით, საახალწლო სუფრა ორად იყოფა, ერთი მარხულია, მეორე – თავისუფალი, ორივეს კი აერთიანებს გოზინაყი.
ბატონ ლადოს ასევე ვკითხეთ თანაპარტიელებთან ერთად ახალი წლის აღნიშვნაზე, რაზეც მან გვიპასუხა:
“მთელი ჩემი ცხოვრება მე დამოუკიდებელი სამყაროს წევრი ვარ. ეს დამოუკიდებელი სამყარო გვაერთიანებს ყველას და ჩვენი თანხვედრის წერტილები აქ უნდა ვიპოვოთ” – თქვა კახაძემ.