🎥„31 დეკემბერს მოგილოცავთ შეუსრულებელ 35 წლის იუბილეს“ – კლინიკა გარდაცვლილი ექიმის ვიდეოს აქვეყნებს

„31 დეკემბერს მოგილოცავთ შეუსრულებელ 35 წლის იუბილეს“ – კლინიკა გარდაცვლილი ექიმის ვიდეოს აქვეყნებს.

“საშინელ ბურუსში ვართ ალეკო ექიმო, ვერ ვიჯერებთ და არც გვინდა დავიჯეროთ, რომ აღარასოდეს შემოგვიღებთ კლინიკის კარს, რომ მეგობრულად აღარასოდეს არ შემოიკრებთ დილის კონფერენციაზე კოლეგებს.
თქვენი ნაჩუქარი ფერადი, დიდი პეპელა დავკიდეთ თქვენს კაბინეტში – იმ პეპელასავით მოფრინდით ჩვენთან, გაგვახარეთ, მოგვეალერსეთ,
ახალგაზრდებს თქვენი ფრთები ბევრჯერ დააფარეთ და უცებ წახვედით…
დღეს ყველანი გეფერებით, ისე, როგორც არასდროს და თქვენს ფოტოებს ვქექავთ ჩვენს არქივებში, თითქოს ამით გაგაცოცხლებთ, დაგიბრუნებთ და ისევ ყველაფერს დავიწყებთ თავიდან.
თქვენი მოსაგონარი ვიდეორგოლიც კი პოზიტიური და ხალისიანი გამოდის, სწორედ ისეთი, როგორიც თავად იყავით. სხვაგვარი ვერც წარმოგვიდგენიხართ
ვუყურებთ და კადრებიდან გვესმის თქვენი ხმა:
,,სიკვდილი არა არის რა.
მე მხოლოდ გაღმა მხარეს გავედი.
მე ისევ მე ვარ, შენ ისევ შენა ხარ.
რაც ვიყავით ერთმანეთისათვის, ისევ ვართ საუკუნოდ…
შეიშრე ცრემლი და ნუ ტირი, თუ მართლა გიყვარვარ.”
31 დეკემბერს მოგილოცავთ შეუსრულებელ 35 წლის იუბილეს და უკანასკნელ გზაზე გაგაცილებთ. ვეცდებით არ ვიტიროთ, თუმცა არ გამოგვივა, ვიცით.
იმიერში შეხვედრამდე, ჩვენო უბოროტო ალეკო ექიმო.”, – წერს სამედიცინო ცენტრი საროველი.