სულხან მოლაშვილის ძმამ, თორნიკე მოლაშვილმა თქვა, რომ მიხეილ სააკაშვილის შეწყალების შემთხვევაში საქართველოში სისხლის ღვრა, არეულობა და დესტაბილიზაცია დაიწყება.
“ამდენი ადამიანი როგორ შეიძლება ხელისუფლებამ მართოს, უბრალოდ რაშია იცით საქმე, ვინ მართავს – მე სულხანის ტკივილმა მომიყვანა, ია თავისი შვილის ტკივილმა.
მიხეილ სააკაშვილის შეწყალების შემთხვევაში დაიწყება თბილისში და მთლიანად საქართველოში სისხლის ღვრები, არეულობები და დესტაბილიზაცია, რაც უნდა მიხეილ სააკაშვილს.
როგორ შეიძლება მე მართული ვიყო, ძმა ჩამიდეს მიწაში, ადამიანმა მომიკლა ძმა, შვილები დაუხოცა ხალხს და ის ხალხი ვიყავით მოსული. უკვე ეჭვი მიჩნდება, რომ მართლა აპირებს შეწყალებას. ასეთ შემთხვევაში ვაპირებთ აქციებს,” – განაცხადა თორნიკე მოლაშვილმა.