ჟურნალისტი ლალი მოროშკინა, რომელიც პრეზიდენტის ადმინისტრაციის წინ დღეს გამართული აქციის ერთ-ერთი ორგანიზატორი იყო, სოციალურ ქსელში სტატუსს აქვეყნებს და წერს:
“ქ-ნო სალომე, რატომ დაგვპატიჟეთ რეზიდენციაში, თუ მერე “შემოვარდნილებს” გვიწოდებდით?!
ახლა ერთი მნიშვნელოვანი განმარტება:
ვინაიდან დღევანდელი შეკრება დაანონსდა რამოდენიმე საათით ადრე და ეს უნდა ყოფილიყო პრეზიდენტისთვის სასიგნალო და გამაფრთხილებელი შეკრება სააკაშვილის არ-შეწყალების მოთხოვნით, შესაბამისად გვქონდა მოლოდინი, რომ შეიკრიბებიდა მხოლოდ სააკაშვილის რეჟიმისგან დაზარალებული საოგადოების მცირე ნაწილი ( იყო სამუშაო დღე, საცობები და წინა-საახალწლო სამზადისი). მოვერიდეთ, უშუალოდ პრეზიდენტის რეზიდენციის წინ მოწყობილ ბავშვთა გასართობ მოედანს და შეკრება დაიგეგმა რეზუდენციის გვერდითა ჩიხში. ხალხის რაოდენობამ მოლოდინს გადააჭარბა, ხალხს ვერ იტევდა ვერც ორბელიანის მოედნი,ვერც ჩიხი და მიმდებარე ქუჩები. აქციის დაწყებიდან ნახევარ საათში, როდესაც სიტყვით გამოსვლა მოვასწარით მხოლოდ მე, თორნიკე მოლაშვილმა, ჯამბულ გამცემლიძემ, ია მეტრეველმა და დაჩი ცაგურიამ, ჩვენთან მოვიდა პრეზიდენტის ადმინისტრაციის უფროსი და გვთხოვა შევსულიყავით რეზიდენციაში სალომე ზურაბიშვილთან შესახვედრად . კიდევ ერთხელ, ხაზგასმით ვიმეორებ – სალომე ზურაბიშვილმა თავად დაგვიძახა რეზიდენციაში, ხოლო შემდგომ “მოვარდნილები” გვეძახა. ქედს ვიხრი ყველას წინაშე ვინც მობრძანდით, ვინც მიზეზთა გამო ვერ მოვიდა,მაგრამ გვწერდა და გვამხნევებდა.
ეს ბრძოლა მოვიგეთ, რადგან დღევანდელმა შეკრებამ გვიჩვენა, რომ ხალხი მუდამ სიმართლის სადარაჯოზეა !!!!!
PS ნირწამხდარი, “ენჯეოების” დახმარების იმედად დარჩენილი საქართველოს პრეზიდენტი კი ცუდი სანახავი ყოფილა…“, – წერს ლალი მოროშკინა.