მოკლული ბუტა რობაქიძის დედამ, ია მეტრეველმა დღეს ბრიფინგზე განაცხადა, რომ მიხეილ სააკაშვილის შეწყალება და გათავისუფლება მისთვის მიუღებელი და წარმოუდგენელია.
მისი თქმით, ხვალ, 15:00 საათზე საქართველოს პრეზიდენტ სალომე ზურაბიშვილის რეზიდენციასთან აქცია გაიმართება.
„ნამდვილად ვერ ვიფიქრებდი, რომ ამდენი წლის შემდეგ, კიდევ ამ თემაზე მექნებოდა სალაპარაკო. დღეს განადგურებული ოჯახების მცირე ნაწილი ვართ წარმოდგენილი. ძალიან გადავიღალეთ, მთელი საქართველო და საზოგადოება არის გადაღლილი, ისევ „ნაციონალურ მოძრაობასთან“ ჭიდილში, ისევ სააკაშვილზე ლაპარაკით და უკვე არის გაუსაძლისი.
ხვალ, 15:00 საათზე სალომე ზურაბიშვილის რეზიდენციასთან ვმართავთ აქციას, სააკაშვილის შეწყალება არავითარ შემთხვევაში არ უნდა მოხდეს“, – განაცხადა ია მეტრეველმა.