რუსთავის-თბილისის გზაზე ცოლ-ქმრის მკველელობის საქმეზე ახალი დეტალები ხდება ცნობილი. გარდაცვლილები 37 წლის ქალი და მისი 41 წლის მეუღლე არიან. გავრცელებული ინფორმაციით, 1981 წელს დაბადებულმა კაცმა დანაშაული წინასწარ დაგეგმა.
მკვლელობის მოტივად ფინანსური დავა სახელდება. გარდაცვლილთა ნათესავების თქმით, ცოლ-ქმარს მანქანების ბიზნესი ჰქონდა. დამნაშავემ მათ ვალი, 20 000$ არ დაუბრუნა, დაუსახლებელ ადგილზე დაიბარა, ცივი იარაღით ცოლ-ქმარს განსაკუთრებული სისასტიკით მრავლობითი დაზიანება მიაყენა და შემდეგ ცხედრები თხრილში დამარხა.
ოჯახი მოკლულ ცოლ-ქმარს რამდენიმე დღე ეძებდა. გავრცელებული ინფორმაციით, ნაწამები სხეულები დანაშაულის დამალვის მიზნით მკვლელმა გადამალა. ოჯახს გარდაცვლილთა ამოცნობა ნივთების საფუძველზე მოუხდა. მათ მომხდარზე საუბარი უჭირთ.
სავარაუდო დამნაშავე, უცხო ქვეყნის მოქალაქე, უკვე დაკავებულია. მან დანაშაული აღიარა და პოლიციას გარდაცვლილთა ადგილსამყოფელი უჩვენა. მოკლულ ცოლ-ქმარს კი დღეს ფასანაურში დაკრძალავენ.