იტალიელმა ჟურნალისტმა და სატრანსფერო ექსპერტმა, ნიკოლო სკირამ ხვიჩა კვარაცხელიაზე დაწერა.
მის მიერ გავრცელებული ინფორმაცია „ნაპოლის“ სამომავლო გეგმებს უკავშირდება. სკირა ადასტურებს იმას, რაზეც ბოლო პერიოდში აქტიურად საუბრობენ.
ჟურნალისტი ექსკლუზიურად იუწყება, რომ „კვარას“ აგენტი, მამუკა ჯუღელი იტალიაში დეკემბრის ბოლოს გაემგზავრება. იგი „ინტერისა“ და „ნაპოლის“ მატჩს დაესწრება და იანვრის დასაწყისში, „პარტენოპეის“ წარმომადგენლებსა და შუამავალ კრისტიან ძაკარდოს შეხვდება, რათა კონტრაქტის გახანგრძლივების საკითხი განიხილოს, რომლითაც ხვიჩას ხელფასი გაიზრდება.