ცნობილ იმუნოლოგ თენგიზ ცერცვაძეს მხატვრულ ფილმში იღებენ. ნიკოლოზ ხომასურიძე ისტორიულ რომანტიკულ ფანტასტიკას, რომლის სცენარის ავტორიც თვითონ გახლავთ, ამბობს, რომ ფილმი სიყვარულზე, კარანტინსა და დროში მოგზაურობაზეა. ამის შესახებ მან “პრაიმტაიმს” განუცხადა.
მისი თქმით, მთავარი გმირები ჩვენი ქვეყნის მთავარ ისტორიულ, ეროვნულ გმირებს ხვდებიან, მათ შორის – დავით აღმაშენებელს, ნიკო და გიორგი ნიკოლაძეებს, ნიკო ფიროსმანსა და მარგარიტას, ილია ჭავჭავაძესა და ოლღა გურამიშვილს, დავით სარაჯიშვილს… ფილმში ნაჩვენები სიყვარული, როგორც პირადი, ასევე სამშობლოს, ერის…
“ამ საინტერესო ფილმით წარმოვაჩენ, თანამედროვეები როგორ ვერ ვაფასებთ ჩვენი ძვირფასი წინაპრების ღვაწლს. როგორ უნდა გვქონდეს ჩვენი დამოკიდებულება სამშობლოს, კულტურის და ისტორიის მიმართ” – ყვება რეჟისორი.
