კიევში, სოფიას მოედანზე ნაძვის ხის ანთების ცერემონიალი გაიმართა.
უკრაინელებს კიევის მერმა, ვიტალი კლიჩკომ მიმართა.
„სიმბოლურად ჩვენს საშობაო ხეს უძლეველობის ხე ვუწოდეთ, რადგან გვინდა, ვაჩვენოთ, რომ უკრაინელებს ვერ გატეხენ ჩვენ წინაშე არსებული დიდი გამოწვევების მიუხედავად. ამ დილით კამიკაძე დრონებით იერიში განხორციელდა რუსეთის მხრიდან, რომელსაც სურს, გაყინოს უკრაინელები, დატოვოს ისინი გათბობის, წყლის, ელექტროენერგიის გარეშე. ამის მიუხედავად, ჩვენ ვიბრძვით და მარტივად ვერ გაგვტეხენ“, – განაცხადა კლიჩკომ.
