რუსეთის განცხადებით, იმისათვის, რომ ჯარისკაცები მორალურად გააძლიეროს, მუსიკოსებს უკრაინაში, ფრონტის ხაზზე გაგზავნის. ამის შესახებ ინფორმაციას BBC ავრცელებს.
თავდაცვის სამინისტროს განცხადებით, დაწყებულია “წინა ხაზის შემოქმედებითი გუნდის” ფორმირება და მასში შედიან როგორც ვოკალისტები, ასევე, მუსიკოსები.
როგორც რუსული გამოცემა, RBC news იტყობინება, ე.წ. “მუსიკოსთა ბრიგადა” დაკომპლექტდება მობილიზებული ჯარისკაცებისგან, ასევე „პროფესიონალი ხელოვანებისგან, რომლებიც ნებაყოფლობით შევიდნენ სამხედრო სამსახურში“.
ახალ დანაყოფს დაევალება შეინარჩუნოს “მაღალი მორალური, პოლიტიკური და ფსიქოლოგიური მდგომარეობა სპეციალური სამხედრო ოპერაციის მონაწილეებს შორის”, – ნათქვამია თავდაცვის სამინისტროს განცხადებაში.