როგორც ცნობილი გახდა, ხონში, 33 წლის კაცის მკვლელობას წინ შელაპარაკება უძღოდა. გარდაცვლილის დედის განცხადებით, 17 დეკემბერს, ღამით, სახლში ხმაური შემოესმათ, რის გამოც ჩალაძე მეზობლების გასაშველებლად გარეთ გავიდა.
33 წლის კაცს ჭრილობები ცივი იარაღით მიაყენეს.
“მეზობელს კლავდნენ და ჩემი შვილი გადაეფარა. რა იცოდა იმას რა ჰქონდა ხელში და 3 ჭრილობა აქვს…ჩემი შვილი ვერ გადავარჩინე, ჩემი შვილი გადამარჩინე დედიო, ვერ გადავარჩინე….ხელებში ჩამაკვდა, დახმარებას მთხოვდა, თუმცა ვაი, რომ ვერ ვუშველე, საშინელება მოხდა ჩვენი ოჯახის თავს, მამაცი შვილი მყავდა აგვისტოს და ავღანეთის ომებში იბრძოდა და ვერ იტანდა ვინმეს რომ ჩაგრავდნენ”, – თქვა მოკლულის დედამ, ნატო ჩალაძემ.
შსს-ში განაცხადეს, რომ გამოძიება დაწყებულია და ბრალდებული უკვე იდენტიფიცირებულია.