ჰენრი კრიგბაუმ პლეტნერმა კატა და მისი კნუტები თავშესაფრიდან 2018 წელს იშვილა.
ერთ-ერთმა კნუტმა ხელში აყვანის დროს უკბინა, რის გამოც მამაკაცს ხელი გაუსივდა.
ექიმებს თითის ამპუტაცია მოუწიათ, მაგრამ ინფექციის გავრცელება ვერ შეაჩერეს.
ჰენრი, რომელსაც კატამ თითზე უკბინა ოთხი თვის წინ, გარდაიცვალა მას შემდეგ, რაც მის სისხლში ხორცის მჭამელი ბაქტერია მოხვდა.
ნაკბენზე არ უნერვიულია მანამ, სანამ არ გააცნობიერა, რომ რამდენიმე საათში ხელი ორჯერ გადიდდა ზომაში.
მან ექიმს დაურეკა, მაგრამ უთხრეს, რომ მეორე დღეს მისულიყო და მთელი რიგი კონსულტაციების შემდეგ, დანიის საავადმყოფო კოლდინგში აღმოჩნდა.
იქ ის ერთი თვის განმავლობაში იმყოფებოდა და 15 ოპერაცია გაიკეთა.
მაგრამ ოპერაციებიდან ოთხი თვის შემდეგ თითი ჯერ კიდევ არ ფუნქციონირებდა გამართულად და ექიმებმა მისი ამპუტაცია გადაწყვიტეს.
ამის მიუხედავად, 33 წლის მამაკაცის ჯანმრთელობის მდგომარეობა გაუარესდა და დედამ ადგილობრივ მედიას განუცხადა: „მისი ჯანმრთელობა ძალიან არასტაბილური იყო. მას ჰქონდა დასუსტებული იმუნური სისტემა, პნევმონია, ჩიყვი და დიაბეტი. კატამ უკბინა, როდესაც კატა კბენს და კბილს ამოიღებს, ხვრელი იხურება და იქ ბაქტერიები ვრცელდება“.
კატის ნაკბენის ჭრილობებში ქსოვილის ინფექციები ჩვეულებრივ გამოწვეულია პათოგენური ბაქტერიით, რომელიც ცნობილია როგორც Pasteurella multocida.
ზოგიერთ შემთხვევაში, ამან შეიძლება გამოიწვიოს იშვიათი ბაქტერიული ინფექცია, რომელსაც ეწოდება ნეკროზული ფასციტი, რომელიც შეიძლება ფატალური იყოს.
იმის გამო, რომ ჭრილობა კბენის შემდეგ თითქმის მაშინვე დაიხურა, ბაქტერიებმა ვენაში შეაღწიეს და სხეულში დარჩნენ, სადაც გავრცელება დაიწყეს.პლეტნერის ოჯახი ამბობს, რომ ის ოქტომბერში გარდაიცვალა, მაგრამ ამბავი ახლა გაასაჯაროვეს, რათა სხვებმა სერიოზულად მიიღონ კატის ნაკბენი. – წერს dailymail