ბრიტანელმა მომღერალმა ადელმა გადაწყვიტა განქორწინებაზე გულახდილად ესაუბრა. როგორც აღმოჩნდა, მისთვის ეს იმდენად მტკივნეული პროცესი იყო, რომ დღის განმავლობაში არა ერთი, არამედ ხუთი თერაპიული სესია სჭირდებოდა. ინფორმაციას უცხოური მედია ავრცელებს.
ადელმა და მისმა ყოფილმა ქმარმა სიმონ კონეკიმ, რომელთანაც მომღერალს ათი წლის შვილი, ანჯელო, ჰყავს, ოფიციალურად 2018 წელს იქორწინეს, თუმცა საკმაოდ მალე, მომდევნო წელს დაშორდნენ.
როგორც ჩანს, განქორწინების ინიციატორი ადელი იყო, რადგან მომღერლის თქმით, საშინელი დანაშაულის გრძნობა ტანჯავდა, როცა ფიქრობდა, რა ზეგავლენას იქონიებდა ეს განქორწინება მის შვილზე.
„ურთიერთობის დანგრევა, დაქორწინებული ხარ თუ არა, ძალიან რთულია. ახლოს იყოლიეთ მეგობრები, რადგან ისინი ყველა კაცს, ყველა ქალს სჯობიან. მეგობრები მთელი ცხოვრება გეყოლება. ასევე, გავაგრძელე თერაპიული სესიებიც. რამდენიმე წელი იყო, რაც თერაპიისთვის აღარ მიმიმართავს და მივხვდი, რომ მჭირდებოდა. განქორწინების პერიოდში დღეში ხუთი თერაპიული სესია მქონდა”,- განაცხადა ადელმა.