4 აგვისტოს, ლიბანის დედაქალაქში, ბეირუთში, მომხდარი დამანგრეველი აფეთქების შედეგად დაღუპულთა რიცხვი 100-მდე გაიზარდა. გამოცემა როიტერი ადგილობრივ წითელ ჯვარზე დაყრდნობით წერს, რომ აფეთქების შედეგად გარდაცვლილთა რიცხვი გაიზრდება, რადგან ნანგრევებში ადამიანები კიდევ არიან მოყოლილები. ძლიერი აფეთქების შედეგად, რომელიც ბეირუთის პორტში მოხდა, დაშავდა ათასობით ადამიანი.
ჯერჯერობით ცნობილი არ არის, კონკრეტულად რა გახდა აფეთქების მიზეზი და იყო თუ არა მომხდარი ტერორისტული აქტი. ქვეყნის პრემიერ-მინისრტმა, ხასან დიაბმა განაცხადა, რომ აფეთქება პორტის სასაწყობე ნაწილში მოხდა, სადაც ფეთქებადსაშიში ნივთიერებები ინახებოდა.
ერთერთი ვერსიით აფეთების მიზეზი, საწყობში მიმდინარე სარემონტო სამუშაოები გახდა, სადაც ინახებოდა 2 700 ამონიუმის ნიტრატი, რომლის კონფისკაციაც სახელმწიფომ 2014 წელს მოახდინა.
