რამდენიმე დღეა სოც.ქსელ Facebook -ში ხელმისაწვდომი გახდა გარდაცვლილი თამარ ბაჩალიაშვილის ძველი პროფაილი სადაც ის რეგისტრირებულია, როგორც Tamuna Bachaliashvil, ფოტოებზე დაყრდნობით მარტივია თამარ ბაჩალიაშვილის იდენტიფიკაცია, რაზე დაყრდნობითაც შეგვიძლია ვივარაუდოთ რომ მაღალი ალბათობით ეს არის ნამდვილად გარდაცვლილი თამარ ბაჩალიაშვილის ძველი Facebook ანგარიში. პროფაილზე შესაძლებელია ვნახოთ 2010 წლის 21 აპრილიდან 2014 წლის 23 მაისის ჩათვლით ყველა აქტივობა, მათ შორის სტატუსები, გაზიარებული ვიდეოები და ფოტოები.
Mix.metronome.ge დაინტერესდა იმ კონტენტით რასაც პერიოდულად აზიარებდა 12 წლის თამარ ბაჩალიაშვილი – 2010 წლიდან, ინფორმაციის შესწავლის დროს წავაწყდით რამოდენიმე საყურადღებო ვიდეოს და სტატუსს, რა თქმა უნდა ამით ჩვენ არაფერს ვამტკიცებთ და არაფერზე არ მივუთითებთ, მკითხველისთვის მიგვინდია დასკვნების გამოტანა. 12 წლის გოგო წერს მისი ასაკისთვის უცნაურ სტატუსებს და აზიარებს ფილმს სადაც აღწერილია ადამიანის მძიმე ფსიქოლოგიური მდგომარეობა, ასევე მუსიკალური კლიპი სათაურით “If I die young” – “თუ მე მოვკვდები ახალგაზრდა”. გთავაზობთ, მასალებს სავარაუდოდ თამარ ბაჩალიაშვილის ძველი Facebook ანგარიშიდან:
მოკლემეტრაჟიანი ქართულ ფილმი “მე მხოლოდ გზავნილი ვარ – I`m just a message”
ფილმში აღწერილია ადამიანის მძიმე ფსიქოლოგიური პრობლემები.
კლიპი “The Band Perry – If I Die Young” – თუ მე მოვკვდები ახალგაზრდა
კლიპი “Say Goodbye”
შეგახსენებთ, რომ თამარ ბაჩალიაშვილის დედამ ფორმულასთან განაცხადა რომ გარდატეხის ასაკში თამარს გარკვეული პრობლემები ჰქონდა და მას უჭირდა. „გარდატეხის ასაკში ჩემს შვილს უჭირდა. იქაც სახელმწიფოა დამნაშავე, რომ ბავშვს მისცეს ისეთი წამალი, რისი მიცემის უფლებაც 12 წლის ბავშვისთვის არ ჰქონდათ. ბავშვმა ეს წამალი მიიღო. იაშვილის კლინიკაში იწვა. მდგომარეობიდან გამოვიდა. ერთი აბიც მისთვის მომწამვლელი აღმოჩნდა.. დიდი დოზა იყო“ – განაცხადა თეონა თამაზაშვილმა.