„ქართული ოცნების” ერთ-ერთი ლიდერი, მამუკა მდინარაძე მეუღლის შესახებ საუბრობს.
“ნათია რომ არ იყოს, მე ალბათ ბევრ რამეს ვერ შევძლებდი. პირველი შვილი 8 წლის შემდეგ გვეყოლა. 7 წლის მანძილზე ამ თემაზე საუბარი მე არასოდეს დამიწყია. თვითონ ამაზე ნერვიულობდა და გვეუბნებოდნენ, რომ არაფერი გვჭირდა, თუმცა შვილი არ გვიჩნდებოდა. ვეუბნებოდი, ნათია, რა ვქნათ ასეთია ღმერთის ნება. ნათია სიყვარულის გამო მოვიყვანე ცოლად და არა კონკრეტული მიზნით. არ მინდოდა მეუღლე დამეძაბა იმის გამო, რომ შვილი არ გვყავდა. ხშირად ცოლ-ქმარი ამის გამო შორდებიან. და აი, დღეს უკვე გვყავს შვილები. ქორწინების პირველ დღეებში ალბათ უფრო აღტკინების მომენტია და დღეს უკვე ერთმანეთის გარეშე ვერ წარმოგვიდგენია”, – განაცხადა მდინარაძემ ნოე სულაბერიძის საავტორო გადაცემში.