“გირჩევთ მე შემხვდეთ ვიდრე ქაცარავას, რადგან მე დაგინდობთ” – ნადიმ ხმალაძე მდინარაძესა და ღუდუშაურს მიმართავს

უკრაინაში მებრძოლი ქართველი მეომარი, ნადიმ ხმალაძე “ქართული ოცნების” წარმომადგენლებს მიმართავს და შეხვედრისკენ მოუწოდებს.

“ბატონო მდინარაძე , ბატონო ღუდუშაურო ვიცი კითხულობთ ან გეტყვიან ვინმე ამ წერილის შესახებ. ხომ ფიქრობთ რომ მაგარი კაცები ხართ . მოდით ასე შევთანხმდეთ თუ შემეხმიანებით ოღონდ. მე მივდივარ სამკურნალოდ მაგრამ გადავდებ და ჩამოვფრინდები საქართველოში. მინდა შევხვდეთ საჯაროდ ტელევიზიების თანდასწრებით რომ არავინ დამაბრალოს რაიმე ისეთი . დავსხდეთ ცივილურად და გავისაუბროთ . თქვენ ამიხსენით და გამეცით პასუხი იმ ყველაფერზე და მეც აგიხსნით რა არის აქ ყოფნა და რისთვის ვართ. 2 დღე დრო გაქვს და შევცვლი ბილეთს . ქაცარავამ 4 დღე მოგცათ მე მეტი დრო არ მაქვს. ისე გირჩევთ მე შემხვდეთ ვიდრე ქაცარავას რადგან მე დაგინდობთ”, – წერს ხმალაძე.

შგახსენებთ, რომ “ქართული ოცნების” წარმომადგენლებმა უკრაინაში მებრძოლ ქართველებს “კიკუები” უწოდეს, რის გამოც სამოქალაქო აქტივისტმა, დავით ქაცარავამ ბოდიშის მოხდა და მათთან შეხვედრა მოითხოვა.