დონეცკის ოლქის ქალაქ ბახმუტში, სადაც დღეს 5 ქართველი დაიღუპა, დაჭრილ მეთაურთან და უკრაინელ თანამებრძოლებთან ერთად კვლავ ალყაში სხვა ქართველებიც არიან.
მეტრონომის ინფორმაციით 15 ქართველი უკრაინელ მებრძობეთან ერთად ბახმუტში ამ დრომდე ალყაში არიან და აქტიური ბრძოლები მიმდინარეობს. ასევე ალყის გარღვევას ცდილობენ უკრაინული არმიის სხვა დანაყოფებიც, რათა დაჭრილები და დაღუპულები გამოიყვანონ ტერიოტორიიდან.
შეგახსენებთ, რომ 3 დეკემბრის საღამოს გავრცელდა ინფორმაცია, რომ უკრაინაში, ქალაქ ბახმუტში კიდევ 5 ქართველი მებრძოლი დაიღუპა. ომის დაწყების შემდეგ უკრაინაში სულ 33 ქართველი მებრძოლი დაიღუპა.