ასპიძაში, სარემონტო სამუშაოებისას, კაცს დენმა დაარტყა. ამის შესახებ ინფორმაციას “სამხრეთის კარიბჭე” ავრცელებს.
შემთხვევა ასპინძის ცენტრში იმ დროს მოხდა, როდესაც კომპანია “სერვის ნეტის” თანამშრომელი სამუშაოებს აწარმოებდა.
45 წლამდე კაცი კლინიკაში სხვადასხვა სახის დამწვრობით, მძიმე მდგომარეობაში შეიყვანეს. ამჟამად პაციენტი თბილისში, ხეჩინაშვილის სახელობის კლინიკაშია გადაყვანილი.
„ენერგო-პრო ჯორჯიაში“ აცხადებენ, რომ დაბის ცენტრში მაღალი ძაბვის ელექტროსადენებს ბოძის გამოცვლის დროს შეეხო.
მომხდარზე გამოძიება სისხლის სამართლის კოდექსის 240-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას, უსაფრთხოების წესის დარღვევას გულისხმობს, რამაც ჯანმრთელობის ნაკლებად მძიმე ან მძიმე დაზიანება გამოიწვია.