(ვიდეო) საშინელი კადრები – თურქეთში სტიქია მძვინვარებს

თურქეთში, მეწყრის შედეგად დაიღუპა ორი ადამიანი და 11 დაშავდა – ართვინში, სოფელ იუსუფელში მოვარდნილმა მეწყერმა არაერთი ავტომანქანა მოიყოლა.

ართვინის გუბერნატორის ილმაზ დოროუკის განცხადებით, კაშხლის სამშენებლო მოედანზე გაჩერებული ავტომანქანები ტალახით გაივსო, ბევრი მათგანი კი ისე დაზიანდა, რომ გამოუსადეგარი გახდა.

https://www.youtube.com/watch?v=6V4oYgs5Ido

თურქეთის მოქალაქეები სოციალურ ქსელში პროტესტს გამოთქვამენ და ამბობენ, რომ ბუნებაში უხეში ჩარევა იწვევს მსგავს ეკოლოგიურ კატასტროფებს.

ცნობისთვის, ამ ზონაში თურქეთის სახელმწიფო დერინერის კაშხლებს აშენებს.

შეგახსენებთ, რომ ტრაბზონში, რიზესა და ართვინში გადაუღებელი წვიმის შედეგად მდინარეები ადიდდა. დაიტბორა საცხოვრებელი სახლების ეზოები და ცენტრალური მაგისტრალი. ორ სოფელში მეწყერი ჩამოწვა.

https://www.youtube.com/watch?v=N_FEpvWaC0M