ხორავას ქუჩის ტრაგედიიდან, რომელსაც ორი მოზარდის დათო სარალიძისა და ლევან დადუნაშვილის სიცოცხლე შეეწირა, 5 წელი გავიდა.
თბილისის ცენტრში 51-ე სკოლიდან გამოსული ორი მოსწავლე თანატოლებმა ჯგუფური ჩხუბის დროს მოკლეს.
დავით სარალიძე და ლევან დადუნაშვილი ხორავას ქუჩაზე მომხდარ გარჩევას ემსხვერპლნენ. სარალიძეს 12 ჭრილობა მუცლის, გულმკერდისა და ბარძაყის არეში ჰქონდა მიყენებული.
მრავლობითი ჭრილობების შედეგად დადუნაშვილი ადგილზე დაიღუპა, დავით სარალიძე კი მომდევნო დღეს საავადმყოფოში გარდაიცვალა.
შედეგად, დააკავეს რამდენიმე პირი. მათ შორის მიხეილ კალანდია, რომელსაც 15 წლიანი პატიმრობა აქვს შეფარდებული.