“ნაციონალური მოძრაობის“ დეპუტატი, რომან გოცირიძე ექსპრეზიდენტ მიხეილ სააკაშვილის ვაჟის, ედუარდ სააკაშვილის შესახებ სოციალურ ქსელში წერს.
“საოცარი მიდგომაა: მიშას ჩამოსვლის შეფასებაში შვილი მართალია (მართლა მაგარი ბიჭი), ოღონდ სხვებმა ეს არ უნდა გაიმეორონ, საპირისპირო უნდა თქვანო, ანუ უნდა მივუდგეთ პრინციპითო: “რაც ეპატიება იუპიტერს, არ ეპატიება ხარსო”. დიახ, გონიერი შვილები ამბობენ იმას, რასაც სხვები ვერ ბედავენ ან არ უნდათ (არ აწყობთ) რომ თქვან.
თითქმის ორი ათეული წელიადი ატერორებდნენ მთაწმინდაზე ზვიად გამსახურდიას საფლავზე მიმსვლელეს ვიღაც გაბურძგვნილი ტიპები და ახარისხებდნენ ადამიანებს, მათი ჭკუით, თუ ვის ჰქონდა იქ მიახლოების უფლება და ვის არა. ორი წლის წინ სასტიკი პოსტი მიუძვნა ამ ამბავს კოკო გამსახურდიამ. “გაბურძგვნილი” მისი ტექსტიდან გამოვიყენე, თუ სწორად მახსოვს. ეს სიტყვა ყველაზე უმტკივნეულო იყო მისი შეფასების შინაარსიდან. კოკომ თქვა ის, რასაც ბევრი ფიქობდა და ვერ ბედავდა საკითხის დელიკატურობის გამო.
ახლა მიშას გადარჩენისათვის ბრძოლაა მთავარი და არა იმის გარკვევა, ვის რა პოზიცია ჰქონდა მაშინ ან რა როლი მიუძღვის მიშას ჩამოსვლის საქმეში. თავად იტყვის. არა მგონია, სხვას გადააბრალოს.
“ჩამოსვლა კარგი იყო, დახვედრა ცუდი”-დღევანდელი კონიუნქტურის გამოძახილია“, – წერს გოცირიძე.