დეკანოზი ილია ჭიღლაძე ხაშურის დედათა მონასტრის დაყაჩაღებასა და 70 წლის მონაზვნის გაუპატიურებაში ბრალდებულის ფოტოს სოციალურ ქსელში ავრცელებს და წერს, რომ აღნიშნული პირი ოთხჯერ არის ნასამართლევი და ის 2012 წლის მასობრივი ამინისტიის შედეგად, “ქართული ოცნების” გადაწყვეტილებით იქნა გათავისუფლებული.
სასულიერო პირი “ფეისბუკის” პირად გვერდზე გამოქვეყნებული წერილით, საქართველოში ბოლო ათი წლის მანძილზე მომხდარ ყველა ტრაგედიაში, “ქართულ ოცნებას” და მის მხარდამჭერებს ადანაშაულებს.
“ცხოველი, რომელმაც 70 წლის მოხუცი მონაზონი გააუპატიურა და აწამა 4-ჯერ ნასამართლებია და ქოცებმა არჩევნების წინ გაათავისუფლეს!!! ესაა საქოცეთი და გაქოცებული საქართველო. ყველა ქოცი არის იმ მონაზვნის გაუპატიურების თანამონაწილე, ისევე როგორც მთელი იმ დაუსრულებელი ტრაგედიების, რაც საქართველოში ხდება 2012 წლიდან დღემდე.
პ.ს. ალტინფოს მხარდამჭერი და დარბევებში მონაწილე ყოფილა!”, – წერს დეკანოზი.