თბილისში 17 000-მდე ოჯახს გაზი შეუწყდება – ნახეთ რომელ უბანში მოხდა დიდი ავარია

„თბილისი ენერჯის“ მიერ გავრცელებული ინფორმაციით, გაზსადენზე მომხდარი ავარიის გამო, მთაწმინდის რაიონში 17 000-მდე აბონენტს დღეს ღამით გაზის მიწოდება შეუწყდება.

კომპანიის ცნობით, აბონენტებისათვის გაზის მიწოდების აღდგენა ხვალ, დილის 09:00 საათიდან ეტაპობრივად დაიწყება.

„გაცნობებთ, რომ გაზსადენზე მომხდარი ავარიის სალიკვიდაციო სამუშაოების გამო, გაზის მიწოდება დღეს მთაწმინდის რაიონში 17 000-მდე აბონენტს შეუწყდება.

ავარიის სალიკვიდაციო სამუშაოები დღეს, 23:00 საათზე დაიწყება, კომპანია „თბილისი ენერჯის“ ოპერატიული ჯგუფები მთელი ღამის განმავლობაში იმუშავებენ, რომ ხვალ დილიდან ყველა აბონენტი ჩაირთოს.

აბონენტებისათვის გაზის მიწოდების აღდგენა ხვალ, 30 ნოემბერს, დილის 09:00 საათიდან ეტაპობრივად დაიწყება და დღის ბოლომდე დასრულდება.

კომპანია „თბილისი ენერჯი“ ბოდიშს გიხდით ჩვენგან დამოუკიდებელი მიზეზებით შექმნილი დისკომფორტის გამო“, – აღნიშნულია ინფორმაციაში.