“იმედის” ჟურნალისტმა მარიკა ბაკურაძემ საზოგადოებაში დიდი აჟიოტაჟი გამოიწვია, შეიძლება ითქვას, რომ ბაკურაძე დღის თემაა.
ტელეწამყვანმა კრიტიკული კომენტარების ავტორებს დაურეკა და პასუხი მოსთხოვა – მსგავსი არავის ჩაუდენია. აღნიშნულმა საზოგადოება გააოგნა და გააბრაზა კიდეც.
ბაკურაძე ცნობილი ტელეწამყვანის, ვახო სანაიას, პირველი ცოლია – ისინი დიდი ხანია დაშორდნენ.
ცოტა ხნის წინ ჟურნალისტმა ვახო სანაიამ ლელა წურწუმიას გადაცემაში საკუთარი ოჯახური ცხოვრების შესახებ ისაუბრა და თქვა, რომ პირველი და მესამე ცოლები ერთმანეთთან “გადასარევად” არიან.
“მიქსმეტრონომი” ინტერვიუს ნაწყვეტს უცვლელად გთავაზობთ:
“პირველი ცოლი გადასარევადაა მესამესთან, მესამე გადასარევადაა პირველთან. ყველა ცოლი ძალიან კარგად არის ჩემთან და ჩემს ოჯახთან, დედასთან… მამაჩემზე გიჟდებოდა სამივე ცოლი. მოკლედ, პატარა ბრაზილია მაქვს მოწყობილი საქართველოში. შვილებიც ერთმანეთზე გიჟდებიან ყველანი…
…ამ პოსტს არასდროს გამოვხმაურებივარ… გადაცემისთის ვემზადებოდი, საერთოდ არ ვიცოდი რა ხდებოდა… ერთ დღეს უცებ მომდის მესიჯები, ვიღაცეები მწერდნენ და მამხნევებდნენ… ვერ მივხვდი რას მწერდნენ… მერე ჩამიგდეს “სქრინი”… თურმე, ჩემმა მეორე ცოლმა დაწერა სტატუსი, ნუ მწერთო ამდენ რაღაცასო, ჩემი ქმარიო წავიდაო და მე რომ არ ვიცოდი, ისე მოუყვანია მესამე ცოლიო… ცოტა ბუნდოვანება იყო იმ სტატუსში და ემოციურად იყო თან დაწერილი…”, – აცხადებს ვახო სანაია.
როგორც ჟურნალისტმა გაიხსენა, მესამედ ხელმოწერის შემდეგ მეგობრების ვიწრო წრეში რესტორანში აღნიშნავდა, როდესაც ვიღაცამ თავის ახალ მეუღლესთან ერთად ფოტო გადაუღო და ყოფილ ცოლს გაუგზავნა, სწორედ ამან გამოიწვია მისი ემოციური ფონი და ნახსენები სკანდალური “ფეისბუქსტატუსი”.
“შთაბეჭდილება შეიქნა, რომ მეორე ცოლი რომ მყავდა, მაგ დროს სახლიდან გავედი და მესამე ცოლი მოვიყვანე და მეორე ცოლმა გაიგო “ფეისბუქით”… რომ გინდა რაღაც კარგად გამოგივიდეს და კოშმარულად გამოგივა, ეგ დამემართა. სიმართლე კი ისაა, რომ მე და ჩემს მეორე მეუღლეს ურთიერთობა გარკვეული გვქონდა. მესამედ რომ ვიქორწინე, მანამდე დამთავრებული მქონდა ყველაფერი… მაგრამ როგორ უნდა ამეხსნა ეს ამდენი ხალხისთვის, მითუმეტეს, როდესაც ჩემმა ყოფილმა ცოლმა ასეთი სტატუსი დაწერა… ახლა თვითონაც ხვდება, რომ დიდი შეცდომა იყო ამ სტატუსის დაწერა, მაგრამ რას ვიზამთ, ახლა გადასარევი ურთიერთობა გვაქვს ყველას ერთმანეთთან”, – აღნიშნა ვახო სანაიამ.
ცნობისთვის, ჟურნალისტმა მესამედ 2019 წელს იქორწინა, მისი მეუღლე სტომატოლოგი თამარ ყურაშვილია. წყვილს საერთო ვაჟი, სანი ჰყავთ. ვახო სანაიას პირველი ქორწინებიდან ორი გოგონა ჰყავს, მეორე ქორწინებიდან კი – ერთი.