კასპში მოღვაწე სასულიერო პირი მამა ლევან მუჯირი სოციალურ ქსელში, 26 ნოემბერს ცხრამუხის დედათა მონასტერში მონაზონზე ფიზიკურ და სექსუალურ ძალადობასთან დაკავშირებით მომხდარ ფაქტს ეხმაურება და წერს:
“რაც შეეხება მონასტერში მონაზონზე თავდასხმას.
რა საშინელება ჩაიდინა და ღვთის წინაშე რა ელის ამაზე აღარ ვიტყვი არაფერს.
უბრალოდ ციხეში გაუპატიურებაზე და ასეთ რაღაცებზე მოხვედრილები, ცისფერები, რა დღეში ჰყავთ, შეიძლება ყველამ არ იცის, ჩვენ გვიწევს შესვლა საპატიმროებში, ვიგებთ რაც ხდება და მინდა ვთქვა, რომ იქნებ ამან მაინც შეაშინოთ.
არ სთვლიან ადამიანებად.
სხვების სარეცხს რეცხავენ, აუთავთბენ, საპირფარეშოებს ულაგებენ.
ჩვეულებრივ პატიმარს გავლისას შემთხვევით რომ შეეხოს შავ დღეში აგდებენ, თვალებში შეხედვის უფლებაც არ აქვთ.
გამოვლენ და სახლში არავინ უშვებს.
მოკვდება და, დასამარხი იყო ერთი და კაცები ხელს არ კიდებდნენ, სამი საათი გახდა და ქალებმა გამოასვენეს მერე”, – წერს სასულიერო პირი.
ცნობისთვის, 26 ნოემბერს შინაგან საქმეთა სამინისტრომ ხაშურის მუნიციპალიტეტის ცხრამუხის დედათა მონასტერში ძალადობასა და ძარცვასთან დაკავშირებით 2 ადამიანის დაკავებაზე ინფორმაცია გაავრცელა – პოლიციამ დააკავა ორი პირი, რომლებმაც 70 წლის მონაზონი გააუპატიურეს და მასზე ფიზიკურად იძალადეს.