კაცი, რომელმაც თერჯოლაში ყოფილი მეუღლე მოკლა, გარდაიცვლა.
მედიას, ინფორმაცია ქუთაისის დამწვრობის ცენტრის ხელმძღვანელმა დაუდასტურა.
მკვლელობაში ბრალდებულს 70%-იანი დამწვრობა ჰქონდა და მართვით სუნთქვაზე იმყოფებოდა. როგორც კლინიკაში განმარტავენ, მდგომარეობა იყო მძიმე, მისი გადარჩენა ვერ მოხერხდა და წუხელ გარდაიცვალა.
შემთხვევა 24 ნოემბერს მოხდა. კაცი მაღაზია “მაგნიტში” შეიჭრა, სადაც მისი ყოფილი ცოლი მუშაობდა და ქალს ბენზინი შეასხა. როგორც ცნობილია, ქალი ადგილზე გარდაიცვალა.