2019 წლის 30 სექტემბერს თბილისის საკრებულოს მაშინდელმა მაჟორიტარმა დეპუტატმა, ილია ჯიშკარიანმა, ფიზიკური ძალის გამოყენებით, სექსუალური ხასიათის ძალმომრეობითი ქმედება განახორციელა თავისი ბიუროს თანამშრომელ, თამთა თოდაძეზე.
თამთამ პოლიციას იმავე დღეს, შემთხვევიდან რამდენიმე წუთში მიმართა. ილია ჯიშკარიანს ბრალი წარედგინა სსსკ-ის 138-ე მუხლის მე-2 ნაწილის „ბ“ ქვეპუნქტით და ამავე კოდექსის 126-ე მუხლის 1-ლი ნაწილით. აღნიშნული მუხლები გულისხმობს სექსუალური ხასიათის სხვაგვარ ქმედებას, ჩადენილს სამსახურეობრივი მდგომარეობის გამოყენებით და ძალადობას, რამაც დაზარალებულის ფიზიკური ტკივილი გამოიწვია.
2022 წლის 20 მაისს, მოსამართლე ლიანა ორკოდაშვილმა ილია ჯიშკარინი წარდგენილ ბრალდებაში გაამართლა.
2022 წლის ნოემბერში სააპელაციო სასამართლომ ძალაში დატოვა გადაწყვეტილება.
გაუპატიურების კანონში არსებული ხარვეზი, რაც გულისხმობს იმას, რომ მსხვერპლი აუცილებლად უნდა იყოს ნაცემ მდომარეობაში, რათა დაადასტუროს მასზე სექსუალური ძალადობა, ბევრ ქალს უსამართლობის წინაშე, ხოლო მოძალადეებს დაუსჯელად ტოვებს.
ხშირად ქალებს შეწინააღმდეგებისას კლავენ, ხოლო მათ, ვინც წინააღმდეგობას ვერ გაუწევს, სასამართლო არ უჯერებს.
აუცილებელია, კანონში შევიდეს დამატებითი განმარტება, რომ თანხმობის გარეშე სქესობრივი კავშირი არის გაუპატიურება. თანხმობა ნიშნავს, როცა ორვე მხარე ნებაყოფლობით მონაწილეობს სექსუალურ აქტივობაში.
თანხმობა უნდა იყოს თავისუფალი ნებით გამოხატული დაშინების, იერარქიული ძალუფლებისა თუ ძალაუფლების სხვა მეთოდების გამოყენების გარეშე.
დღეს, 25 ნოემბერს, 20:00 საათზე, ყველა, ვისაც გვადარდებს ქალების და გოგოების მომავალი, ვიკრიბებით პირველი რესპუბლიკის მოედანზე და მსვლელობით მივდივართ პარლამენტთან, რათა იქ ხმამაღლა მოვითხოვოთ ცვლილება გაუპატიურების კანონში.
შემოგვიერთდით!
თანხმობის არარსებობა გაუპატიურებაა!
თამთა თოდაძე ყვება როგორ იძალადა სექსუალურად საკრებულოს დეპუტატმა მასზე
