ცნობილი წყვილის სოფო ბედიას და მიშა მესხის ოჯახში ტრაგედია მოხდა. ქართველი მომღერლის მაზლი ბაჩო მესხი, მძიმე სენთან ბრძოლაში დამარცხდა და გარდაიცვალა.
ბაჩო მესხს სიმსივნის დიაგნოზი რამდენიმე თვის წინ დაუსვეს, ის მკურნალობის კურსს გადიოდა, ჩაუტარდა ქიმიოთერაპიაც. ბაჩო მესხის გარდაცვალებას სოციალურ ქსელში გამოეხმაურა მომღერალი სოფო ბედია. “ბაჩო აღარაა” – დაწერა მომღერალმა.
“განადგურებულები ვართ, ვერც კი წარმომიდგენია რომ ბაჩო აღარ არის. ონკოპაციენტი იყო, ქიმიებს იკეთებდა, გაცივდა და გაციება გადაეზარდა ფილტვების ანთებაში. ერთი ფილტვი დაეხურა და 21 ივნისს შეაერთეს აპარატზე, დღეს დილის 4 საათზე კი გარდაიცვალა. ბაჩო იყო საოცარი ადამიანი, მას და მიშას განსაკუთრებული ძმობა ჰქონდათ”, – განაცხადა წყვილის ოჯახის მეგობარმა.