“რა საოცარი რაღაცები ხდება სამყაროში” – რამ გამოიწვია ვიკა ბუკიას აღფრთოვანება

ტელეჟურნალისტი, ვიკა ბუკია მსოფლიო ჩემპიონატის პირველ თამაშზე ეროვნული ჰიმნის გაჟღერების დროს ირანის ნაკრების რეაქციას, დუმილს ეროვნული ჰიმნის დროს – გამოეხმაურა და სოციალურ ქსელში დაწერა, „გმირი ბიჭები! ასე დაგმეს ის, რაც ირანში ხდება და ასე დაუდგნენ გვერდით ქალებს. რა საოცარი რაღაცები ხდება სამყაროში“

„ირანის ნაკრებმა არ იმღერა ეროვნული ჰიმნი მსოფლიო ჩემპიონატის პირველ თამაშზე – იდგნენ და უბრალოდ იყურებოდნენ მრისხანე და სევდიანი სახეებით. ყველაზე მამაცი, გმირი ბიჭები! ასე დაგმეს ის, რაც ირანში ხდება და ასე დაუდგნენ გვერდით ქალებს. სიტყვებს ვერ ვპოულობ. რა საოცარი რაღაცები ხდება სამყაროში. კადრში ჩანდა ატირებული ირანელი ქალი.. როგორ უნდა უყურო ამ ამბავს გულგრილმა?როგორც გავიგე, ყველა სპორტსმენი გაფრთხილებულია, რომ არც გაბედონ ჰიმნის შესრულებისას ჩუმად ყოფნა. რა ელით ახლა ამ საოცარ ბიჭებს სამშობლოში რომ მივლენ?
ირანის აქამდე დაუძლევ სიბოროტეს ამარცხებს 22 წლის მოკლული გოგო, მაჰსა ამინი, ჰიჯაბის „არასწორი“ ტარების გამო მოკლული“, – წერს ვიკა ბუკია.

ცნობისთვის, ირანის ნაკრების ფეხბურთელებმა ინგლისთან მატჩის წინ ეროვნული ჰიმნი პროტესტის ნიშნად არ იმღერეს. ამ ფორმით გამოუცხადეს მათ სამშობლოში არსებული რეჟიმის წინააღმდეგ მებრძოლ ხალხს სოლიდარობა.