BBC -ის ცნობით, დასავლეთ ინდოეთის გუჯარატის შტატის სასამართლომ კაცს ექვსთვიანი პატიმრობა შეუფარდა იმის გამო, რომ თავისი პირუტყვი ქუჩაში გაუშვა. სასამართლოში განაცხადეს, რომ სასჯელი მართლმსაჯულების აღსრულების მიზნით იქნა დაწესებული, რადგან მსგავსი დანაშაულები მზარდია.
აღსანიშნავია, რომ ინდოეთში ძროხა წმინდა ცხოველია და მათი დაკვლა აკრძალულია 18 შტატში, მათ შორის გუჯარატში. 2017 წელს გუჯარატის შტატმა ძროხის დაცვის კანონები გაამკაცრა.
ძროხის დაკვლის შემთხვევაში მოქალაქე შესაძლოა, სამუდამო პატიმრობით დასაჯონ.