უკვე თვე-ნახევარია, რაც „პრაიმ ჰაუსის“ მეორე სეზონი დაიწყო და ამაზე საუბარი არ წყდება. რეალითი შოუ ნახვების რეკორდებს ყოველკვირეულად ხსნის. „პრაიმტაიმი“ „პრაიმ ჰაუსს“ ისევ ესტუმრა და გთავაზობთ მორიგ ექსკლუზიურ ინტერვიუს ერთ-ერთ ყველაზე ხმაურიან მონაწილესთან.
კოსტა სანიკიძეს გულშემატკივართა უზარმაზარი არმია რომ ჰყავს, ამაში უკვე ყველა დარწმუნდა. მან ზედიზედ 2-ჯერ მოახერხა, რომ მაყურებლის გული მოეგო და აუტსაიდერების სკამიდან ხალხის რჩეული, გამარჯვებული წამომდგარიყო.
ალბათ კოსტას გულშემატკივართა უზარმაზარ არმიას აინტერესებს, როგორი უნდა იყოს ქალი, რომ კოსტას გული მოიგოს – ამაზე ის „პრაიმტაიმტან“ საუბრობს.
კოსტა სანიკიძე: – ქალი საინტერესო უნდა იყოს, რომ მომეწონოს. პირველ რიგში, მომწონს მისი მდგომარეობა. მე თუ ქალი მკვებავს, მკვებავს მხოლოდ და მხოლოდ მდგომარეობით. როგორი მდგომარეობა უნდა ჰქონდეს, ეგ მე ვიცი. იყოს ის, ვინც არის, ჩემს გამო არ უნდა შეიცვალოს.
– გავიგეთ, რომ გყავდათ მეუღლე, რამდენ ხანს იყავით ერთად?
– ვადასტურებ, რომ ცოლი მყავდა, გავშორდით. ახლა აღარ ვართ ერთად. ჩემთვის ახლა რაც ხდება, ის უფრო მნიშვნელოვანია. მე ვცხოვრობ ისე, რომ მივყვები გრძნობებს, ემოციებს, რელსებს. ჩემი ანგელოზებით, ენერგიებით ეს ცხოვრება მახვედრებს ისეთ ხალხს, ვისაც უნდა შევხვდე. ყველაფერი რაც ხდება, იყო საჭირო, რაც მოხდება, ისიც უნდა მოხდეს.
– ხშირად ამბობთ, რომ „გარეთ გელოდებიან“. ვის გულისხობთ?
– მე თავისუფალი ტიპი ვარ. ვერ გეტყვი, რომ ერთ ქალთან მაქვს ურთიერთობა. ჩვენ გვაქვს ის, რაც გვსიამოვნებს, მორჩა. იმიტომ მელოდება არა და მელოდებიან. ვიღაცებს აქ რაღაცები უკვირთ, კარგ მთქმელს კარგი გამგები სჭირდება ყოველთვის. მიყვარს გართობა, ურთიერთობა, „მევასება“ სექსი, რა არის უცნაური, ასე ჩასაღრმავებელი ვერ ვხვდები. ალბათ, მათ არავინ ელოდებათ.
წყარო:პრაიმტაიმი