14 ნოემბერს „თბილისი არენაზე“ საქართველოსა და იტალიის ეროვნული საკალათბურთო ნაკრებები ერთმანეთს მსოფლიო ჩემპიონატის საკვალიფიკაციო ეტაპის მატჩში დაუპირისპირდნენ. თამაშს იტალიური „ნაპოლის“ ფეხბურთელი, ხვიჩა კვარაცხელია შეყვარებულთან, ნიცა თავაძესთან ერთად დაესწრო. ამ ფაქტს გამოეხმაურა არამხოლოდ ქართული, არამედ იტალიური პრესაც.
გამოცემა „Internapoli“ – მა აღნიშნა, რომ ხვიჩა კვარაცხელიას სეზონის დაწყება „ნაპოლის“ მაისურით ბრწყინვალე იყო, ქართველმა ფაქტობრივად, განდევნა ყოველგვარი ეჭვი და შიში ნეაპოლიტანელთა გონებიდან. ახლა კი, შესვენებით ისარგებლა, საქართველოში დაბრუნდა, რათა სამშობლოში რამდენიმე დღით დაისვენოს. ამას აკეთებს თავის ლამაზ შეყვარებულთან, 21 წლის ნიცა თავაძესთან ერთად, რომელიც თბილისის უნივერსიტეტის მედიცინის ფაკულტეტის სტუდენტია.
„AreaNapoli.it“ წერს, რომ კვარაცხელია „ნაპოლისთან“ ერთად სეზონის ბრწყინვალე დაწყების შემდეგ საქართველოში დაბრუნდა, რათა რამდენიმე დღით დაისვენოს სახლში. „ნაპოლის“ თავდამსხმელი მისი შეყვარებულის, ნიცა თავაძის გვერდით იმყოფება.
„CalcioNapoli24“ – მა გაავრცელა ინორმაცია, რომ „ნაპოლის“ სერია A-ში ბოლო რამდენიმე მატჩი კვარაცხელიას გარეშე მოუწია. ამასობაში კი ქართველი ამ შესვენებით სარგებლობს, რათა ოჯახთან ერთად იყოს.