პოლიტიკოსი კახა სიხარულიძე სოციალურ ქსელში ფოტოს აქვეყნებს.
ფოტოზე მდინარე კაზრეთულაა, რომელიც ყვითლადაა შეღებილი.
სიხარულიძის თქმით, მდინარე საწარმოო ნარჩენებითაა დაბინძურებული.
“ეს არის ოქროს მომპოვებელი რუსული კომპანია ,,RMJ-GOLD”-ის მიერ მძიმე მეტალებითა (ცეზიუმით) და ცეანიდის მჟავით მოწამლული მდინარე კაზრეთულას კალაპოტი. საწარმოო ნარჩენებით დაბინძურებული მდინარე კაზრეთულა წამლავს დაბა კაზრეთის გარემოს, გაივლის მას, ჩაედინება მდინარე მაშავერაში, რომელიც უერთდება მდინარე ხრამს, ხრამით ირწყვება ბოლნის-მარნეულის ბოსტნები.ესაა ამ ხელისუფლების ნეო ლიბერალური მიდგომა რუსულმაფიოზურ კლასტერისადმი, რომელზეც გუშინ ვწერდი აქ. არანაირი ხალხის და ეკოლოგიის დაცვა, როცა საქმე კომპანიას ეხება.ამას მხოლოდ მტერი თუ გაუკეთებს საკუთარ სამშობლოს. აღარაფერს ვამბობ საყდრისის დანგრევაზე. ხო, ხმა მიეცით ქოცნებას, არ დაგავიწყდეთ” – წერს კახა სიხარულიძე.