სტუდენტები: თსუ-ში გამოცდის მიმდინარეობისას ჭერი ჩამოვარდა
„დღეს, გამოცდის დროს, 30-33 სექტორში (თსუ საგამოცდო ცენტრი, მაღლივი.) ჩამოვარდა სახურავი და სტუდენტებს დაეცათ თავზე. ჩამოვარდნამდე 1 საათით ადრე, ხმა ჰქონდა სახურავი რომ ჩამოიწია. ბავშვებმა დამკვირვებლებს უთხრეს, მაგრამ არავინ ყურადღება არ მიაქცია. კარგად რომ გაარემონტეს იმის შედეგია ალბათ.
პ. ს ის ბავშვები როგორ ხართ თავზე რომ დაგეცათ?”, – წერს ერთ-ერთი სტუდენტი თსუ-ის სტუდენტების ჯგუფში და საგამოცდო სექტორის ფოტოს აქვეყნებს.
დაშავდა თუ არა ინცინდენტის დროს რომელიმე სტუდენტი, ამის თაობაზე პასუხი უნივერსიტეტიდან ჯერ არ ისმის.